𝗠𝗔𝗡𝗜𝗟𝗔 — Nagpabutyag sang suporta ang Hollywood actor nga si Leonardo DiCaprio para sa Masungi Georeserve samtang ginahingyo sini si President Bongbong Marcos nga magpasilabot kag magbulig sa pag-amlig sa lugar sa gwa sang Manila, sa tunga sang report nga commercial encroachment kag plano nga pagkanselar sang kontrata sini sa gobyerno.
Paagi sa social media, ang “Titanic” actor nga isa ka kilala nga advocate for the environment, ang nag-post agud maghatag sang edukasyonal nga impormasyon nahanungod sa Masungi, bangud nagapati ini nga yara na sa katalagman ang protektado nga lugar sa Tanay, Rizal kag posible nga mag-atubang sang mga pamahog sang pagmina kag pagtroso, kag iban pa.
Ginpahayag man ni DiCaprio ang iya kabalaka paagi sa pagsambit kay Marcos sa iya post, bangud dako ang iya pagpati nga makabulig ang Masungi sa Pilipinas sa aspeto sang sustainability.
Nahibaluan nga si DiCaprio ang isa ka bukas nga manugsakdag para sa mga kawsa sa palibot sa bug-os niya nga karera. Sa edad nga 24, gintukod niya ang Leonardo DiCaprio Foundation (LDF) sa katuyuan nga mapasanyog ang ihibalo tuhoy sa mga isyu sa palibot kag pagpakig-away sa pagbag-o sang klima.
Nagbida man siya sa pila ka mga pelikula nga nagaduso sang ihibalo sa palibot, sa diin, sa subong siya ang naga-host sang documentary film nga “The 11th Hour.”
Sa iya speech bilang Oscar Best Actor winner sang 2016 para sa “The Revenant,” naghimo man siya sang isa ka pitch nahanungod sa pagbag-o sang klima nga isa ka matuod nga butang.
Kun balikan, sang Abril, nag-upod man sa panawagan ang mga Filipino celebrities nga sanday Nadine Luster kag katapo sang P-pop boy group nga si Justin De Dios sang SB19 nga magbulig sa pag-amlig sa Masungi Georeserve.
