ILOILO CITY – Gin-athag sang aktor nga si Ricardo Cepeda nga endorser lamang siya sang kompaniya nga naangut sa syndicated estafa case.
Suno sa 58 anyos nga aktor, wala siya nakahibalo nga may warrant of arrest na siya.
Pahayag niya, may nabatian na siya sang una may kaangtanan sa scam apang wala siya nakahibalo nga gindalahig ang iya pangalan.
Si Ricardo ang gin-aresto antes pa man ang ribbon cutting sa Caloocan City.
Nagdangat sa 40 ang complainants batuk sa aktor.
Ginrason sang aktor nga indi ini konektado sa kompaniya bangud nga modelo lamang ini sang pila ka mga produkto nga nagalakip sang energy-saving gadgets.
Wala man suno sa iya ang iya pangalan sa rehistro sang negosyo.
Magluwas sa 23 counts sang syndicated estafa, ang aktor ang may warrant of arrest pa bangud sa bouncing check kag three counts sa violation sang RA No. 8799 ukon ang Securities Regulation Code.
Nagapati naman ang aktor nga ma-acquit siya sa mga kaso nga ginpasaka batuk sa iya.
