𝗠𝗔𝗡𝗜𝗟𝗔 — Nagpasaka sang reklamo ang aktor nga si Sandro Muhlach batuk sa duha ka independent contractors sang isa ka TV Network nga sanday Jojo Nones kag Richard Cruz.
Ginpasalig naman sang network ang publiko nga ila pagahimuon ang imbestigasyon nga may pinakamataas nga mga talaksan sang pagkamatarong kag pagkawalay pinilian.
Suno sa Network, ginarespeto nila ang hingyo ni Sandro para sa confidentiality, itago sang investigating body ang tanan nga detalye sang pormal nga imbestigasyon tubtob matapos ini.
Santo sa report kag piala ka pahayag sa online world, nagapahayag nga si Sandro, anak sang aktor kag negosyante nga si Niño Muhlach, gin-alegar gin-harass sang duha ka lalaki sa isa ka Gala Party, nga ginhiwat sa Marriott Hotel sa Pasay City sang nagligad nga Hulyo.
Bangud diri, si Niño ang nagsabat sa kontrobersiya sa social media paagi sa isa ka makatalanhaga nga post sa Facebook nga nagasiling: “Inumpisahan nyo! Tatapusin ko”
Samtang, ang asawa ni Niño nga si Dianne Abby Tupaz nagpalayag sang iya mga balatyagon nga nagasiling nga ginpadaku kag gin-atipan nila ang ila mga kabataan nga may gugma, indi agud lamang sila pakahuy-an sang mga indibidwal nga ginsudlan sang mga demonyo sa paghimo sang amo nga makasuluka nga mga buhat.
Gin-athag man sini nga Iindi nila pagtugutan ang ila kaugalingon nga indi matigayon nga makuha ang hustisya.
