Dako ang pagpasalamat nga nabatyagan sang aktor nga si Tom Rodriguez matapos ini magdaog bilang Best Supporting Actor sa 2025 Metro Manila Film Festival (MMFF).
Sa iya Instagram, gin-share sini ang pila ka mga litrato niya halin sa awarding ceremony nga ginhiwat sang Sabado.
Ginpahayag man ni Tom ang iya pagpasalamat sa iya team nga nangin iya ‘safety net’ sa sulod sang madugay nga panahon.
Nadag-an ni Tom ang Best Supporting Actor tungod sa iya papel sa pelikula nga Unmarry, nga ginbidahan nanday Angelica Panganiban kag Zanjoe Marudo.
Ginhalad ni Tom ang iya award sa iya asawa nga si Cecilia kag anak nga si Korben.
