“Ako, as long as mutual yung nararamdaman namin, kahit sino ka pa, kahit ano ka pa, kung mutual at parehas tayong masaya, sige”
Posible nga mahulog ang buot ukon ma inlove ang aktor nga si Teejay Marquez sa kaangay man niya nga lalaki.
Ini ang ginbuyagyag ni Teejay sa diin iya ginpahayag nga wala sang may ginapili ang ‘love’.
Suno sa aktor, ang paghigugmaanay ang para sa tanan kag kun ‘mutual’ man ang nabatyagan nila sang isa ka lalaki, wala siya sang may nakita diri nga problema.
Ang importante ang pahayag niya amo nga malipayon sila sa isa kag isa.
Nahibaluan nga may yara si Teejay sang pelikula sa diin ka love team sini ang aktor nga si Jerome Ponce.
