Indi lang isa, indi duha kundi malapit na lang kag may pangatlo na nga baby ang aktres nga si Andi Eigenmann sa iya nga nobyo nga si Philmar Alipayo, isa ka surfing champion.
Gin-anunsyar ni Andi ang iya pagbusong kadungan sang kaadlawan ni Philmar pinaagi sa vlog.
Gin-umpisahan sang aktres ang iya vlog sa pagpangayo sang pasaylo kay Philmar bangud wala niya ini naka-upod sa Siargao.
Sa kaadlawan sang iya nobyo, iya ini ginpasalamatan sa tanan nga ginhimo ni Philmar sa ila nga pamilya kag paghatag sang ginakabig niya “awesome life” sa isla.
Ang una nga anak ni Andi nga si Ellie ang iya sang ex-boyfriend sini nga si Jake Ejercito samtang si Lilo nga ika-duha niya nga anak ang iya ni Philmar.
Matandaan nga madamo ang nagdayaw kay Andi bangud malipayon ini kaupod ang iya nobyo samtang nagatinir sa isla kag nagapangabuhi sang simple.
