Ginrespondehan sang Medics ang veteran actress nga si Maricel Soriano bangud indi sini mapakalma ang kaugalingon matapos ang emotional scene kaupod si Jodi Sta. Maria.
Suno sa director nga si FM Reyes, matapos ang komprontasyon sa tunga sang duha ka mga aktres sa pelikula, padayon sa gihapon ang ila pagkurog kag hilibion.
Pahayag niya, nasobrahan ukon tuman ka dalom ang emosyon ukon hugot nga ginkuhaan nanday Maricel kag Jodi.
Gin-ako man sang direktor nga nagsala na siya bangud wala siya nakahibalo kun sin-o ang unahon niya nga kadtoan apang nakita na lang niya ang medics nga nagaresponde na kay Maricel.
