ILOILO CITY – Ginsabat na sang young actress nga si Andrea Brillantes ang pagpakamalaot sa iya bangud sa mga kontrobersiya nga iya ginkaulamiran sa nagliligad nga mga binulan.
Sa iya Instagram live, ginkumpirma ni Andrea nga nakarelasyon niya si Seth Fedelin sa sulod sang duha ka tuig kag tatlo ka bulan kag nagbulagay ang mga ini sang October 2021.
Suno sa aktres, apisar nga masakit, mutual decision ang pagbulagay nila nga duha.
Ang rason sang ila pagbulagay amo nga wala na sila naga-grow bilang indibidwal.
Si Andrea kag si Seth ang una nga love team sang 2019.
Ginpasalamatan naman ni Andrea ang pag-apin sa iya ni Seth.
Nagtapos ang social media apperance ni Andrea nga wala nag-mention sang pangalan sang iya nobyo nga si Ricci Rivero.
Ginpanugyanan naman niya ang iya mga fans nga mag-focus sa mas importante nga bagay lakip na ang presidential elections.
