Nagalaom ang aktres nga si Bela Padilla sang mas maayo nga oportunidad para sa mga Filipino filmmakers sa idalum sang ginaproponer nga layi para diri.
Matapos makapartisipar sa isa ka hearing para sa ginaproponer nga layi nga nagasuporta sa local filmmakers, ginpakigbahin sini sa iya sa social media ang iya nga suhestiyon kun paano masolusyunan ang madugay na nga problema sa industriya sang pelikula sa Pilipinas.
Ginpahayag sini nga apisar ginapabugal sang international audience ang kalidad sang ila gina-obra nga pelikula apisar nga low budget ini, nabatyagan sini sa gihapon ang kakulangan sang suporta halin sa local industry.
Suno pa sa actress nga kinahanglan suportahan sang mga mamalidha nga nagapatigayon sang sini nga layi ang fair equity para sa creatives kag producers, pati na ang seguridad kag representasyon sang kababainhan sa set.
Dugang pa sini nga malayo pa ang ila nga dapat lakton sa amo nga pangabay sa gobyerno, apang suno pa sa iya nga kun mapasar kag mapatuman sang husto ang ini nga layi makabulig gid ini sa ila nga mga filmmakers.
