MANILA – Kilig ang nabatyagan sang aktres nga si Bela Padilla matapos nalakip sa mga nominado sa 15th Seoul International Drama Awards.
Sa iya Instagram account, nagpasalamat si Bela sa nasambit nga international award-giving body sa ginhatag nga citation.
Suno kay Bela, ginakabig niya nga “most kilig part” ang pagkalakip sang iya pangalan para sa Best Actress category kun sa diin kaupod niya si Imelda Staunton sang Great Britain nga isa sa mga nagdala sang character sa sikat nga Harry Potter series.
Nalakip man sa Best Actress category sanday Shu-qin Ke sang Taiwan, Zuzana Stivinova sang Czech Republic kag tatlo ka South Korean actress nga sanday Si-Eun Park, Hyo-Jin Kong kag Ji-Eun Kim.
Ang 15th Seoul International Drama Awards ang patigayunon sa Setyembre 15 kun sa diin ginpahayag sang organizers nga limitado lamang sa local artists ang mahimo nga makatambong kag dumili-an ang pagbaton sang live audience bilang precautionary measure batok sa Coronavirus Disease 2019 (COVID-19).
