ILOILO CITY – Nagahilibi-on nga ginsabat sang aktres nga si Ella Cruz ang pila ka mga critical comments halin sa showbiz personalities lakip na ang iya former co-stars nga sanday Pokwang kag Agot Isidro angut sa controversial nga pag-compare sang history sa isa ka tsismis.
Ini ang ginakabig niya nga “darkest point” sang iya kabuhi kadungan sang iya interview sa TV host nga si Boy Abunda.
Una niya nga gin-clarify ang context sang iya statement kag ginbalikan nga ginpamangkot siya sang iya punto di vista sa history sang mga Marcoses may kaangtanan sa iya role sa pro-Marcos film nga “Maid in Malacanang.”
Ginpanginwala sang actress nga nagsabat siya sang iya natun-an sa pelikula bagud nga wala pa niya nabaton ang script sang ginpamangkot siya kag ang article ang gin-publish sang nagasugod pa lamang siya sa pag-shoot sang project.
Sang ginpamangkot naman kun bala, amo man sa gihapon ang iya nga isabat sa, suno kay Ella, indi na niya pag i-compare ang history sa isa ka tsismis apang suno sa iya, panindugan niya nga indi tanan nga nakasulat sa history books ang naga-unod sang bilog nga istorya.
Nahibaluan naman sang aktres kun sin-o ang iya mga “real friends” nga amo ang nag-approach sa iya kag nag-educate sang ginpamangkot kun ano ang iya nga natun-an sa natabo nga kontrobersiya.
Ginpahayag man sang aktres nga may pila ka showbiz colleagues nga ginkabig niya nga abyan kag pamilya ang naggamit sang mga masakit nga tinaga.
Ginpamangkot man sang aktres kun ngaa nga nahambal nila ang mga amo nga mga tinaga kag ngaa nga nahimo nila sa iya.
Gin-ako man sang aktres nga nasakitan siya sa nangin komento ni Pokwang nga ginkakibot niya.
Wala naman siya naghatag pa sang mensahe para sa komedyante.
Ginpasalamatan man sini si Agot Isidro sa nangin komento sang aktres sa iya nga mahimo siya nga maghambal sang “no comment” sa pamangkot sang press.
Wala man siya sang kalain sang buot sa TV host nga si Gretchen Ho sa nangin viral nga tweet nga naga-include sang analogy sa tunga sang kape kag history agud nga i-emphasize nga ang history ang nagabase sa matuod nga hitabo.
Indi naman niya intention nga ma-offend ang publiko sa iya pagkumparar sang tsismis sa history kag handa man ini nga magpamati kun tudluan.
