Ginadayaw sang mga fans sang aktres nga si Nadine Lustre ang pagsunod niya sa physical distancing samtang nagapamalaklon sa isa ka supermarket.
Ini matapos nga gin-upload sang isa ka fan sang aktres ang picture niya samtang nagapila sa supermarket.
Makita man sa picture nga nakasuksok si Nadine sang mask nga isa sa mga protocol antes makasulod sa mga merkado kag iban pa nga establisyemento komersyal.
Suno pa sa fan nga nakakita, naga-isahanon lang nga nagpadulong sa supermarket ang aktres nga base man sa pagsulundan sang gobyerno sa diin isa lang ka tawo kada household ang mahimo nga makagwa kag makapamakal sang mga essential goods kaangay nalang sang pagkaon kag bulong.
Madumduman nga humalin sang nagsugod ang pandemic, isa si Nadine sa mga nagpalab-ot na sang bulig sa mga frontliners kag iban pa nga apektado sang krisis.
