Ginpangunahan ni Iloilo Governor Arthur Defensor Jr., ang singning sang memorandum of agreement kag paglunsyar sang ‘alaLAYI: Pag-ubay Legal sa Kabataan’ sa Iloilo Provincial Capitol kaina sang aga.
Lakip sa nagtambong amo sanday Schools Division Office – Iloilo Province Supt. Ernesto Servilllon, Jr., kag CPU College of Law Dean Atty. Aila Rae Endonila.
Ang alaLAYI ang naghalin sa termino ukon tinaga nga “Alalay” nga nagakahulogan nga “guide” kag “Layi” nga nagakahulogan nga law.
Sa nangin pahayag ni Provincial Population Office (PPO) head Atty. Ruel Von Superio, ang ‘alaLAYI: Pag-ubay Legal sa Kabataan’ ang isa ka innovative program sang lokal nga panguluhan nga may tinutuyo nga mahatagan sang legal aid services ang mga kabataan angut sa mga legal topics paagi sa nagkalain-lain nga teen centers sa probinsya.
Para naman kay Governor Defensor, isa ka dako nga bulig ang programa sa pagpasangkad sang education system sang probinsya.
Nahibaluan nga ang launching and MOA signing ceremony sang ‘alaLAYI: Pag-ubay Legal sa Kabataan’ ang kabahin man sang 124th Semana sang Iloilo celebration.
