Ipatawag ni Public Safety and Transportation Management Office (PSTMO) head Jeck Conlu ang pinuno sang security officers sa Iloilo City Hall.
Ini ang may kaangtanan sa reports nga ginpalab-ot sa talatapan kun sa diin ginapahayag nga nagakalapas ang physical distancing nga protocol sa entrance sang Iloilo City Hall.
Sa interview sang Bombo Radyo kay Conlu nga amo man ang spokesperson sang Iloilo City Government COVID-19 team, iya ginpahayag nga posible naga-adjust pa lang ang mga empleyado kag ang mga naga-transact bangud may yara na sang QR code kag posible suno sa iya nga delayed lang ang pagscan sa iban kag nagakalipatan ang distansya.
Nagdepensa ang opisyal nga bastante ang numero sang guards and floor marshalls sa Iloilo City Hall nga amo gid ang naga-check sang pagpatuman sang mga minimum health protocols.
