Ginpanginwala sang Department of Social Welfare and Development (DSWD) nga may kurapsyon sa pondo sang social amelioration program (SAP) ukon sa ayuda nga ginpanghatag sa mga pumuluyo nga apektado sang COVID-19 pandemic.
Kasunod ini sang alegasyon ni Senator Manny Pacquiao nga 1.3 million ka benepisyaryo ang wala nakakuha sang ayuda apang yara sa record sang DSWD.
Suno sa statement nga gin-release sang ahensya, handa sila nga mag-atubang sa imbestigasyon kag magpresentar sang nagakaigu nga ebidensya.
Suno kay DSWD spokesperson Irene Dumlao, wala sang nadula nga pondo sang ginpanagtag ang ayuda sa idalom sang SAP.
Liquidated suno kay Dumlao ang budget nga nabaton pati na ang pondo sa financial service providers (FSPs) lakip na sa Starpay nga amo ang ginhingadlan ni Pacquiao.
