ILOILO CITY – Ginbuweltahan ni Magdalo partylist Rep. Gary Alejano si House Speaker Pantaleon Alvarez, matapos nga gintawag sang lider sang Kamara nga “stupidity” ang pagpasaka sini sang impeachment case batok kay Presidente Rodrigo Duterte.
Sa interview sang Bombo Radyo, ginpahayag ni Alejano nga iya ginakasubo ang mga pahayag sang House Speaker.
Wala ini nagapakita suno kay Alejano, sang stature sang isa ka House Speaker kag pamatuod lang suno sa kongresista, kun ano nga klase asng lider may ara ang Kamara.
Suno pa kay Alejano, dapat respetuhon ni Alvarez ang opinyon sang mga kaupdanan sini sa Kongreso kag kilalahon ang magkatuhay nga mga opinyon.
Kaangay suno kay Rep. Alejano nga kanto ang House of Representatives bangud sang pagbinatasan sang House Speaker nga gusto sundon ang style sang presidente.