Indi na bag-o ang implementation sang alert level 0 bangud sa iban nga pungsod, ginapatuman na ini.
Ini ang nangin reaksyon sang isa ka health expert sa plano sang Department of Health (DOH) nga ipaidalom ang pila ka bahin sang pungsod sa alert level 0 bangud sang naganubo nga kaso sang COVID-19.
Sa interview sang Bombo Radyo kay Dr. Philip Ian Padilla, isa ka health expert, iya ginpahayag nga sa idalom sang alert level 0, wala na sang restriction kag indi mandatory ang pagsuksok sang face mask kag daw kaangay sa pre-COVID situation.
Suno kay Padilla, indi na ini bag-o bangud sa iban nga pungsod, wala naman sang restrictions nga ginaptuman.
Indi delikado ang pagpaidalom sa alert level 0 kun insakto ang datos nga nagasulod sa database apang suno kay Padilla, kinahanglan nga tun-an anay sang maayo.
Apang, kung may yara sa gihapon sang unvaccinated sa isa ka setting, mahimo sa gihapon nga mag-mutate ang virus kag malatnan ang mga nabakunahan gani importante gid nga bakunado ang tanan.
