Balik na sa normal ang alert status ang Police Regional Office 6 (PRO-6) ini matapos nga ginpasaka man bangud sa pagkaaresto ni former President Rodrigo Duterte.
Sa interview sang Bombo Radyo kay Police Lieutenant Colonel Arnel Solis, spokesperson sang Police Regional Office 6, iya ginpahayag nga sang nagligad nga semana, antes pa man nag-weekend, ginbalik na sa normal ang alert level.
Suno kay Solis, ang tikang ang ginsunod man sa direktiba sang national headquarters sang Philippine National Police (PNP).
Nagpasalig man ang natungdan sang masangkad nga operasyon sang PRO-6 apisar sang pagpanubo sang alert status.
Lakip na diri ang pagpatuman sang Commission on Elections (COMELEC) check points kag sa pagsekyar sang mga lugar nga yara sa crime prone areas.
