Balantayan subong nga adlaw kun mapabilin sang Pinay tennis sensation nga si Alex Eala ang iya momentum sa Miami Open.
Atubangon ni Eala si Jessica Pegula sa Miami Open semifinals, 8:30 subong nga aga.
Si Pegula ang nakalab-ot sa finals sang 2024 US Open kun sa diin napierde siya sa kamot sang world no. 1 nga si Aryna Sabalenka sang Belarus.
Nakasulod man ang American player sa quarterfinals sang Australian Open (2021, 2022, 2023), French Open (2022), kag Wimbledon (2023).
Matandaan nga nakasulod ang 19-anyos nga si Eala sa labing-una ng tion sa WTA semifinals paagi sa pagpierde sa world No. 2 nga si Iga Swiatek sang Poland.
