Daog ang Pinay tennis sensation nga si Alex Eala batok kay American qualifier Mary Stoiana sa US Open sa score nga 6–1, 6–2.
Bangud sini nakasulod na si Eala sa second round sang US Open kun sa diin maatubang naman sini si Oleksandra Oliynykova sang Ukraine.
Mangin dako man ini nga test ang second round para kay Eala bangud kun madaog si Eala, una nga bes sini nga malab-ot ang third round sa US Open.
Matapos ang kadalag-an sang Pinay tennis sensation nagpagwa naman sang report ang Forbes nga ginakonsiderar si Eala bilang mangin isa sa world highest-paid female athletes.
Ginabanta nga masobra 5 million US dollar ang ginkita ni Eala halin sa iya mga endorsement kag iban pa nga off-court deals.
Suno kay Max Eisenbud sang William Morris Endeavor, isa sa pinakadako nga international talent kag sports agency, possible mangin second-highest-paid female athlete sa bilog nga kalibutan si Eala sa tuig 2027 kasunod ni Coco Gauff sang USA.
Apisar sa prize money, dako man ang potensyal sang iya mga kita bangud sa mga endorsement sini bangud man sa padayon nga pagsikat sini sa Pilipinas.
