Nangibabaw ang Filipina tennis star nga si Alex Eala sa opening round sang 2025 Oeiras Ladies Open sa Portugal, kahapon.
Ginpierde ni Eala si Anouk Koevermans sang Netherlands sa score nga 6-3, 6-4.
Nahibaluan nga sa amo nga tournament, si Eala ang seeded No. 1sa pinakauna nga tion sa iya career sa WTA event.
Sa subong, si Eala ang ranked 73rd sa kalibutan bilang iya career-best.
Handom niya ang follow-up sa iya historic run sa WTA 1000 Miami Open, kun sa diin nakalab-ot siya sa semifinals kag ginlutos ang tatlo ka Grand Slam champions, kalakip diri ang world No. 2 Iga Swiatek sang Poland kag No. 5 Madison Keys sang United States.
Sunod, maga-advance si Eala sa second round kun sa diin hulaton niya ang magadaug sa winner sang match sa tunga nanday former world No. 76 Hungarian veteran Panna Udvardy kag isa ka qualifier.
Sa doubles action, si Eala ang maga team up kay American Katie Volynets, nga iya ginpierde sa first round sang Miami Open.
Sanday Eala kag Volynets nga unseeded sa doubles, ang magaatubang sa fourth seeded nga sanday Carmen Corley kag Christina Rosca sang United States subong nga Mierkules.
