Ginkabos ang Filipina tennis star nga si Alex Eala nga makahimo sang panibag-o nga upset sa ila liwat nga pagkitaay sang Polish player kag world no. 2 nga si Iga Swiatek.
Natabo ang rematch sa Round of 64 sa 2025 Mutua Madrid Open matapos ang natabo sa Miami Open kun sa diin ginlutos sang Pinay si Swiatek nga isa ka five-time Grand Slam champion, 6-2, 7-5.
Sa clay court sa Madrid kagab-i, Abril 24, nakuha sang 19-anyos nga si Eala ang first set, 6-4, apang napatas ini sang Polish sa 1-1 matapos nakuha ang second frame, 6-4.
Nabatyagan ang pressure sa third set nga amo ang magatumod sang magadaog, kag didto na nga wala na nasustiner ni Eala ang hampang kun sa diin naglabaw ang mas eksperyensyado nga player, 6-2.
Bangud sa pagpalaam sa Madrid, magatutok naman ang world no. 72 nga Filipino pride sa preparasyon sini sa WTA 125 Challenger Catalonia Open sa Espanya nga maga-umpisa naman sa Abril 28.
