Liwat na naman nga ginpabilib sang 19-anyos nga Pinay star nga si Alex Eala ang mga tennis fans sa kalibutan matapos ginlutos ang world No. 5 nga American player nga si Madison Keys sa third round sang Miami Open sa Florida, USA.
6-4, 6-2 ang resulta sang hampang nga amo na ang pangatlo nga daku nga upset nga nahimo ni Eala sa sini nga tournament. Sa amo nga WTA event, underdog ang Filipina player nga ika-140 lamang sa world rankings.
Ini ang nagabutang kay Eala sa record bilang una nga Pinoy sa Open Era nga nakalutos sa top-10 opponent halin sang gin-umpisahan ang ranking system sang 1975.
Sunod nga atubangon ni Eala amo ang world No. 10 nga si Paula Badosa sang Spain.
Nahibaluan nga si Keys, 30, amo subong ang reigning champion sa Australian Open.
Antes sa iya, ginlutos man ni Eala ang world No. 73 nga si Katie Volynets sang US sa opening round, kag ang former French Open champion nga si Jelena Ostapenko sang Latvia sa round of 64.#
