Nagtakop na ang kampanya sang Filipina tennis star nga si Alex Eala sa singles sa Abu Dhabi Open.
Ginlutos siya sang world no. 11 nga Russian player nga si Ekaterina Alexandrova, 6-3, 6-3, sa ila nga quarterfinal match.
Antes sini, ginlutos anay sang 20-anyos nga Pinay sanday Zeynap Sönmez sang Turkey, 6-4, 6-3, kag Aliaksandra Sasnovich sang Belarus, 2-6, 6-4, 7-6(5) sa nauna nga duha ka mga round.
Sarang pa makabawi si Eala sa doubles tournament kun sa diin kaupod sini si Janice Tjen sang Indonesia sa quarterfinals.
Kasunod sa iya Abu Dhabi campaign, padayunon sang world no. 45 nga Filipino pride ang iya kampanya sa Middle East paagi sa Qatar Open.
Impresibo ang pagbukas sang tuig para kay Eala nga nakasulod sa semis sang ASB Classic kag sa first round sa main draw sang Australian Open subong nga tuig.
