Magabalik si Alex Eala sa China para sa Guangzhou Open kasunod sang iya temprano nga pagguwa sa WTA 250 Osaka tournament sa Japan.
Natalana ang hampang sini sa Guangzhou sa Oktubre 20-27. Pagasundan ini sang Hong Kong Open sa Oktubre 27 tubtub sa Nobyembre 2.
Sa Japan, ginlutos si Eala sang 18-anyos nga Czech phenom nga si Tereza Valentova sa round of 32 sa skor nga 6-1, 6-2.
Ini ang pinakamalala nga kalutusan sang Pinay tennis star halin sang natabo ang 6-0, 6-1 blowout sa kamot sang Ukrainian nga si Marta Kostyuk sang nagligad nga Mayo sa WTA 1000 Italian Open.
Nahibaluan nga nagapang-78 sa latest rankings ang Czech player samtang ang 20-anyos nga pambato sang Pilipinas ang nagapang-54 nga amo ang iya bag-o nga WTA career-high world ranking.#
