Matapos ang maragtason nga performance sa Miami Open sang damlag lang, liwat na naman nga magahampang ang Pinay tennis sensation nga si Alex Eala sa French Open.
Suno sa 19-anyos nga tennis star, naumpisahan na niya ang clay training para sa 2025 French Open kun sa diin ginalauman nga mahimo niya ang iya first-ever main draw appearance sa professional ranks.
Apang ginpakigbahin ni Eala nga madugay na siya nga wala nakahampang sa clay surface kag kalabanan sa hard kag grass courts sa nagligad nga pila ka bulan.
Sa pihak sini, ginsiling sang world no. 73 nga mataas ang iya confidence matapos ang dalayawon nga hampang sa Miami Open, kun sa dian nalab-ot niya ang semifinals paagi sa pagpierde sa mga nalakip sa top 10 players kaangay nanday Iga Swiatek kag Madison Keys.
Magasugod ang French Open sa Mayo 25 tubtob Hunyo 8 kun sa diin ginalauman ang presensya ni world no. 1 Aryna Sabalenka kag iban nga top players.
