Nagsaka sa bag-o nga career-high nga World No. 28 sa Women’s Tennis Association (WTA) rankings ang Filipina tennis sensation nga si Alex Eala.
Ini ang kasunod sang iya makasaysayan nga kampanya sa 2026 Wimbledon Championships nga nagtakop sang nagligad nga semana.
Nagsaka si Eala sang apat ka puwesto matapos makalab-ot sa fourth round sang Wimbledon kag nangin una nga Pilipino nga nakatapak sa Round of 16 sang isa ka Grand Slam singles tournament.
Sa amo nga prestihiyoso nga hinampang, ginlutos ni Eala ang defending champion nga si Iga Swiatek pagkatapos ginpierde ang iban pa nga sanday Renata Zarazua kag Maya Joint.
Ang nauna nga career-high ranking sang amo nga Pinay star amo ang No. 29 nga na-rekord sang Marso.
Nag-angkon man siya sang titulo sa Birmingham WTA 125 kag nakadangat sa semifinals sang Berlin Open.
Sa subong, nagapahuway anay si Eala diri sa Pilipinas antes sini ipadayon ang iya preparasyon para sa US Open lakip na ang mga torneo kaangay sang Mubadala DC Open sa Estados Unidos kag WTA 1000 National Bank Open sa Canada.
