Nakabaton ang Pinay tennis star nga si Alex Eala sang Premios Tanglaw trophy sa iya pagbisita kay Philippine Ambassador to Spain Philippe Lhuillier.
Ini nga award ang ginahatag sa mga Pilipino kag Spaniards nga may kontribusyon sa pagpabakod sang relasyon sa tunga sang Espanya kag Pilipinas.
“I gave her the trophy which she was not able to attend our embassy celebrations last year called Premios Tanglaw,” suno kay Lhuillier.
Sang nagligad nga tuig, nahatagan man sang kaangay nga tropeo sanday Isabel Preysler, anay Senator Ed Angara, kag 12 ka iban pa.
Nagapang-72 subong si Eala sa rankings sang WTA kag bag-o lang nagtakop ang kampanya sa 2025 Madrid Open kun sa diin nalutos ini sa kamot sang world no. 2 kag defending champion nga si Iga Swiatek.
Sixth seed siya kuntani sa Catalonia Open sa Espanya, apang sa latest nga impormasyon, indi na ini magdayon sa pag-compete.
Ginalantaw nga pasulabihon sini ang preparasyon sa Italian Open sa Mayo 6-18, kag sa French Open kun sa diin nakasulod siya sa main draw sang isa ka Grand Slam sa labing-una nga tion sa iya karera.
