Nalab-ot sang Pinay tennis star nga si Alex Eala ang bag-o nga career-high world ranking nga 155 sa Women’s Tennis Association (WTA) duha ka semana matapos nga nagsaka sa rank no. 162.
Kasunod sini, siya kag ang iya French partner nga si Estelle Cascino ang nag-abanse naman sa W100 Vitoria-Gasteiz doubles quarterfinal matapos ginlutos ang mag-utod kag home bets nga sanday Carolina kag Jimena Gomez, 6-3, 6-2, sa Spain.
Na-sweep nanday Eala kag Cascino ang mag-utod sa sulod lamang sang 56 minutos rason nga na-set ang hampang batok kanday Victoria Bervid sang Czechia kag Laura Mair sang Italy.
Kun matandaan, sang Marso, nakuha man sang 19-anyos nga tennis sensation ang doubles title sini kaupod ang iya French partner sa W75 Croissy-Beaubourg sa France.
Maga-compete man si Eala sa W100 Vitoria-Gasteiz batok kay Lian Tran sang Netherlands.
Sang nagligad nga bulan, matandaan nga nalutos si Eala sa Wimbledon main draw sa kamot ni Lulu Sun, 7-6(3), 7-5 sang New Zealand sa final round sang qualifier.
