Nag-abante na sa quarterfinals sang 2025 Suzhou Open WTA 125 ang Filipina tennis ace nga si Alex Eala.
Ini matapos nga ginlutos sini ang pambato sang Belgium nga si Greet Minnen sa isa ka mabaskog nga three-set match sa round of 16, sa score nga 7-6 (5), 6-7 (3), 7-5.
Ini ang ikaapat nga sunod-sunod nga quarterfinal appearance ni Eala sa WTA 125 events, kasunod sang iya pagpasakop sa Guadalajara Open, SP Open, kag Jingshan Tennis Open.
Sa kabug-usan, ika-anom na ini nga beses nga nakalab-ot si Eala sa quarterfinals sa isa ka international event, lakip na ang iya mga pagpakita sa Miami Open kag Eastbourne Open.
Sa masunod nga round, atubangon naman ni Eala ang pambato sang Switzerland nga si Viktorija Golubic.
