Tingwaan sang Pinay tennis sensation nga si Alex Eala nga makabawi sa sunod-sunod sini nga pagkalutos sa iya pag-intra sini sa WTA 500 Ningbo Open sa China sa masunod nga semana.
Nahibaluan nga tatlo ka sunod-sunod nga hampang ni Eala ang nalutos ini, lakip na diri ang pagkalutos sini sa Singapore Open kag Wuhan Open.
Ulihi sini nga kadaglag-an amo ang sa WTA Tour sadtong Setyembre 4 matapos sini malutos si Oleksandra Oliynykova sang Ukraine sa second round sang US Open.
Pagkatapos sang Ningbo Open, magapadulong naman si Eala sa Toray Pan Pacific Open sa Tokyo, Japan, halin Oktubre 26 tubtob Nobyembre 1, kag sa WTA 250 tournament sa Hong Kong halin Nobyembre 2 tubtob 8.
Magatapos ang iya nga 2026 season sa isa ka homecoming exhibition match batok sa Indonesian tennis player nga si Janice Tjen sa Philippine Arena sa Bocaue, Bulacan.
