Wala sang gindagdag nga penalidad ang Women’s Tennis Association (WTA) sa Filipino tennis star nga si Alex Eala bangud sa iya pag-absent sa mandatory WTA 1000 China Open agud magrepresentar sa Pilipinas sa 2026 Asian Games.
Ginkumpirmar ini ni Philippine Tennis Association (Philta) Executive Director Tonette Mendoza sa Senate Committee on Sports hearing subong nga adlaw, Oktubre 8.
Suno kay Mendoza, nagpangayo anay sang klaripikasyon ang Philta sa WTA kag ginpamangkot kun mahimo nga ma-waive ang penalty kay Eala.
Ginpamangkot sang WTA kun kaugalingon nga desisyon ni Eala ang pagrepresentar sa Pilipinas kag kun Olympic qualifier ini para sa pungsod.
Nag-“huo” ang Philta sa duha ka pamangkot kag wala na sang sabat halin sa WTA.
“Reading the rules of the WTA, the penalties and whatever points when you miss the mandatory tournament is really designed for players who omit these tournaments because they want to play in exhibitions,” suno kay Mendoza. “It’s silent on representing the country.”
Samtang, ginpahayag ni Mendoza nga suportado sang International Tennis Federation ukon World Tennis ang mga atleta nga nagarepresentar sa ila pungsod.
“Thank you po sa gobyerno; because it really went out that the government was opposing it, and I think it pressured everybody that they cannot now impose a fine on a person who wants to represent their country,” dugang ni Mendoza.
Nakakuha si Eala sang bronze medal sa Asian Games matapos mapierde sa semifinals kay Wang Xiyu sang China nga nagdaog sang gold medal kag nakakuha sang direct qualification sa Los Angeles Olympics.#
