Wala nadala pauli ni Alex Eala ang kadalag-an sa MGM Macau Tennis Masters matapos mapierde ini sa iya kasumpong nga si Mirra Andreeva sa score nga 6–4, 6–2.
Hugot ang natabo nga hapang sang duwa ka mga atleta kun sa diin sa una nga set naka-abanse si Eala, apang madali naman nga nakabawi si Andreeva ilabi na sa exhibition match.
Nahibaluan nga sang sabado, napierde man sanday Eala kag Jerry Shang sa mixed doubles event matapos sila ginpierde sa magkapares nga sanday Yibing Wu kag Alejandro Davidovich Fokina.
Ginalauman nga magabalik si Eala sa Enero sa Australian Open.
