Pagpasalamat, pagpangayo sang pasaylo, kag pagpabilin sang pagtuo sa Diyos.
Amo ini ang kaundan sang emosyonal nga mensahe sang 37-anyos nga actress-vlogger nga si Alex Gonzaga para sa iya bana nga si Lipa City Councilor Mikee Morada matapos ginsapubliko sang mister nga nahulugan ang aktres sa ikatatlo na nga tion.
Sa iya recent YouTube video, gin-detalye ni Alex ang iya birthday celebration sang Enero 16 lakip na ang family dinner kag pagbisita sa Lipa City Hospital agud nga maghatag sang donasyon sa mga iloy kag sa ila mga lapsag.
Didto man sa video nahibaluan nga antes ang birthday ni Alex, na-ospital ini sang Enero 9.
Sa iya mensahe sini, ginsiling sini kay Mikee nga bisan nadula sa ila ang ila ‘little miracle’, magapadayon sila sa pagpati bangud sa bulig sang Ginuo, maangkon gid nila ang pamilya nga ila ginapangamuyo.
“Dearest Mikee, I’m so sorry for our loss. The little miracle we had will always stay with us. Let’s keep believing. By God’s grace, we will have the family we have always prayed for. Love, Catherine,” pahayag ni Alex.
May separado man nga Instagram post kun sa diin makit-an si Mikee nga nagasaot samtang yara sa hospital bed ang iya asawa. Caption sini: “My favorite memory is when my husband made sure I was happy before my medical procedure.”
Disyembre 28 sang ginpahibalo kanday Alex kag Mikee nga wala nagmadinalag-on ang pagdala sang aktres bangud nadulaan ini sang heartbeat.
Antes sini, nahulugan man si Alex sang 2021 kag 2023.
Bisan masakit suno kay Mikee, ginakabig nila ini nga eksperyensya nga amo ang nagapabaskog sang ila relasyon bilang mag-asawa.
Na-engage ang duha sang January 2020 kag nagpakasal sadtong November 2021.
