Handa na ang Ilongga beauty queen nga tumandok sang Leon nga si Alexie Mae Caimoso Brooks sa iya pagtiglawas sang Pilipinas sa Miss Eco International 2025 pageant nga patigayunon sa Egypt sa Abril 8.
Sa ginpatigayon nga send-off, iya ginpahayag nga tuman ang iya preparasyon para sa pageant agud nga mahatag niya ang pinakamanami nga performance.
Sa interview sang Bombo Radyo kay Brooks, iya ginsiling nga nag-focus siya sa training para sa interview ilabi na sa iya advocacy nga nagasentro sa women empowerment nga mas kilala sa tawag nga “Abanse Babaye.”
Pahayag pa niya, handa man siya mental kag emotional nga aspeto.
May yara man sang mga pasabog sila nga ginhanda sang iya team.
Dugang niya, gamiton gid niya ang mindset bilang isa ka atleta kag ini ang ginakabig niya nga bentaha para sa iya sa kompetisyon.
Ginahalad man niya ini nga journey para sa iya nagtaliwan na nga lola nga si Lola Basing kag amo man sa mga Ilonggo nga nagasuporta sa iya.
