ALGERIA – Ginpakamalaot sang Algeria Olympic Committee ang wala basehan nga pag-atake sa ila female boxer nga si Imane Khelif matapos gin-akusaran nga isa ka transgender matapos naghampang sa Paris 2024 Olympics.
“COA strongly condemns the unethical targeting and maligning of our esteemed athlete, Imane Khelif, with baseless propaganda from certain foreign media outlets.”
Suno sa Olympic Committee, si Khelif ang ginbun-ag nga isa ka babaye, apang may yara sang Disorder with Sex Development (DSD) nga rason kun nga may yara ini sang XY chromosomes kag mataas nga testosterone.
Isa man ini ka United Nations International Children’s Emergency Fund (UNICEF) ambassador, sa diin ginpakigbahin sini ang iya eksperyensya sa iya pagdako sa isa ka rural village sa diin wala ini ginpasugtan sang iya amay nga maghampang sang boxing bangud sa rason nga indi ini para sa mga babaye.
Dugang pa, ginakabig man nga indi patas sang Algeria ang pagpang-atake sa personalidad kag dignidad ni Khelif.
Ginpanindugan sang Algeria nga himuon nila ang tanan nga tikang agud proteksyunan ang ginakabig nila nga champion nga atleta.
“Such attacks on her personality and dignity are deeply unfair, especially as she prepares for the pinnacle of her career at the Olympics. The COA has taken all necessary measures to protect our champion.”
Samtang suno naman kay International Olympic Committee (IOC) spokesman Mark Adams, ang tanan nga mga atleta sa Olympics ang ginpaidalom sa eligibility kag entry regulations.
Ginpahayag ni Adams nga si Khelif ang nakahampang na sa 2020 Tokyo Olympic Games kag wala lang naglusot sang gulpi.
“These athletes have competed many times before for many years, they haven’t just suddenly arrived – they competed in Tokyo.”
