Nadakpan sa drug buy bust sa General Blanco Street, Brgy. Maria Clara, City Proper ang isa ka lalaki nga ginapahayag hangkilan nga kawatan sa syudad sang Iloilo.
Ang arestado amo si alias Tagoy, 30, residente sang Barangay Tanza, Iloilo City.
Sa interview sang Bombo Radyo kay Police Captain Roque Gimeno III, hepe sang Iloilo City Police Station 1 kag head sang City Drug Enforcement Unit (CDEU), iya ginpahayag nga kabug-usan nga 17 gramos sang ginapatihan shabu ang nakuha kay alias Tagoy nga nagabalor sang P115,000.
Antes ang recoveries, nabaklan ang suspek sang isa ka sachet sang suspected shabu kabaylo sang P15,000.
Yara man isa ka tuig ang monitoring sa suspek bangud ginapahayag nga amo man ini ang nagapanghaylo sa mga bata nga mag-intra sa iligal nga aktibidad kag maila man ini sa otoridad.
Ang ginapahayag nga modus sini sa operasyon amo ang dead drop, Kaliwaan, G-cash, delivery, kag pick-up.
Antes ang drug buy bust, ang amo nga lalaki ang may kaso na nga daan nga pagpangawat, tuyo nga pagpangawat, violation sa election gun ban, kag frustrated murder suno sa record sang pulis.
