Nag-file sang urgent motion para magatenir sa Pasig City Jail si convicted human trafficker Alice Guo.
Matapos ang pagguwa sang desisyon nga life imprisonment kay Guo sa diin ginmando nga isaylo siya sa Correctional Institution for Women sa Mandaluyong City.
Sa isa ka pahina sang order nga ginpagguwa ni Judge Annielyn Medes-Cabelis sang Pasig City Regional Trial Court Branch 167 nga gintalana nga hearing sa mosyon ni Guo sa Nobyembre 26.
Nagakahulugan ini nga magatenir si Gou sa Pasig City Jail Female Dormitory samtang indi pa maresolba ang mosyon.
Matandaan nga ginsentensyahan sang life imprisonment ang anay Bamban, Tarlac Mayor kag tatlo ka iban pa mapamatud-an nga guilty sa qualified human trafficking in persons kag organizing human trafficking sa Baofu compound.
Samtang ang mga Chinese nationals nga sanday Wang Weili, Wuli Dong, Nong Ding Chang kag Lang Xu Po ang nasentensyahan sang acts of trafficking nga may life imprisonment.
Ginapabayaf man sila sang korte sang tig-P2 million kada isa.
Nahibaluan nga gin-raid sang Presidential Anti-Organized Crime Commission (PAOCC) kag Philippine National Police ang Philippine offshore gaming operator (POGO) Zun Yuan Technology sa Baofu compound na makita sa Tarlac sang nagligad nga tuig.
