ILOILO CITY- Ginkumpirma ni Senator Risa Hontiveros nga nakagwa na sa Pilipinas si dismissed Bamban, Tarlac mayor Alice Guo.
Suno kay Hontiveros, Hulyo 17 sang nagbiya si Guo kag nagsulod sa Kuala Lumpur, Malaysia sang Hulyo 18.
Gin-alegar nga nagpadulong sa Singapore si Guo agud makigkita sa iya amay, iloy, kag utod nga sanday Wesley kag Cassandra Ong.
Ginkwestyon naman ni Hontiveros kun sin-o ang may kahimuan sini.
Para sa senador, indi makabiya si Guo kun wala sang nagbulig nga opisyal sang gobyerno sa iya.
