Wala nagpyansa si dismissed Bamban, Tarlac Mayor Alice Guo sang nag-atubang ini sa Capas, Tarlac Regional Trial Court Branch 109 nga amo ang nagmando agud arestuhon ini bangud sa graft charges.
Ang pyansa para sa temporaryo kuntani nga kahilwayan ni Guo amo ang P180,000 ukon P90,000 sa kada count sang graft charges para sa temporaryo sini nga kahilwayan.
Suno kay Atty. Nicola Jamila, legal counsel ni Guo, wala sang rason para magpyansa pa ang iya kliyente bangud indi man ini sa gihapon makagwa sa presuhan bangud madamo pa siya sang iban pa nga warrant of arrest.
“Sa ngayon po kasi, we see no reason for that. Kahit mag-bail siya, hindi pa rin makukuha ang purpose, considering na meron siyang other warrant of arrest.”
Tungod sini, nagapabilin sa gihapon si Guo sa kustodiya sang Philippine National Police (PNP).
Paathag sang abogada, nabatyagan ni Guo nga safe ini sa kustosiya sang kapulisan.
Sa isyu naman kun pasugtan si Guo nga magtambong sa Senate hearing sa Lunes, ginpahayag sang abogado nga nakadepende pa sa korte kag sa pulisya kun pasugtan nila ang hingyo ni Sen. Risa Hontiveros nga paatubangon ang anay alkade sa hearing.
