Bukas sanday Iloilo Governor Arthur Defensor Jr., Iloilo Second District Representative Michael ‘Mike’ Gorriceta, kag Iloilo 5th District Raul “Boboy” Tupas nga istoryahan ang possible alignment sang partido sa pulitika sa probinsya.
Nahibaluan nga si Defensor ang Provincial Chairman sang Partido Demokratiko Pilipino–Lakas ng Bayan (PDP–Laban).
Sa interview sang Bombo Radyo kay Defensor, iya ginpahayag nga nakadepende na sa PDP–Laban ang pagplastar sang mga partido sa Iloilo Province para sa palaabuton nga eleksyon.
Sa subong suno kay Defensor, magluwas sa pulitika, indi malikawan nga masugilanunan man nila nanday Gorriceta kag Tupas ang pila ka mga proposed project sang probinsya sa Kamara.
