ILOILO CITY- Nagsaka pa sa 44 ang active cases sang COVID-19 sa Alimodian, Iloilo.
Sa interview sang Bombo Radyo kay Mayor Gefree “Calay” Alonsabe, iya ginpahayag nga bangud sa nagataas nga kaso sang COVID-19 sa ila banwa, overwhelmed na ang ila quarantine facility.
Suno kay Alonsabe, magahingyo siya sa Department of Education nga ipahulam ang isa nila ka building agud magamit sang Local Government Unit sang Alimodian quarantine facility sa mga nagadugang nga pasyente.
Nahibaluan nga apat na ang narecord nga napatay bangod sa COVID-19 sa amo nga banwa.
