Alkalde sa isa ka banwa sa Iloilo, ginkasuhan sa Ombudsman bangud sa ginapahayag unliquidated cash advances

ILOILO CITY – Ginpasakaan sang kaso sa Ombudsman si Mayor Jason Gonzales sang banwa sang Lambunao, Iloilo.
Ang kaso ginapasaka ni anay Lambunao Mayor Vicente Ramirez bangud sa ginapahayag unliquidated cash advances ni Gonzales sang 2016.
Sa 10 ka pahina nga reklamo nga gin-file ni Ramirez sa Office of the Ombudsman, ginpanindugan sini nga ginlapas ni Gonzales kag sang iban pa nga opisyal sang banwa sang Lambunao ang Article 217 kag 218 sang Revised Penal Code.
Magluwas diri, nagapangatubang man si Mayor Gonzales sang mga kaso nga dishonesty, gross misconduct, conduct prejudicial to the best interest of the service kag grave abuse of authority.
Kalakip sa mga ginpasakaan sang kaso ang accountant kag treasurer sang banwa sang Lambunao, Iloilo.