JORDAN, GUIMARAS– Nagapangabay ang alkalde sang banwa sang Jordan sa iban nga mga pumuluyo nga kun wala sang importante nga transaksyon, likawan ang pagtabok sa syudad sang Iloilo.
Sa interview sang Bombo Radyo kay Jordan Mayor Ruben Corpuz, iya ginpahayag nga sa subong ginakontrol nila ang volume sang tawo nga makasulod sa warf.
Suno kay Corpuz dapat may yara sang priority number ngamakuha ang isa ka pasahero.
Kun indi naman maacomodate, ginahatagan ang mga ini sang priority number para sa masunod nga adlaw.
Wala naman suno sa iya sang may narekord nga stranded nga pasahero.
Kuntani suno sa iya mangin patas ang paghold sang byahe sang tanan nga wooden hull pumpboats sa pungsod.
Ginrekomenda man sini sa mga naga-eskwela kag nagatrabaho nga sa subong temporaryo nga magpangita sang boarding house agud indi sila mabudlayan.
