Patay ang alkalde sang Calbayog City, Samar nga si Ronald Aquino lakip na ang iya driver kag security escort.
Sa imbestigasyon, sakay sang van ang alkalde kag mga kaupdanan niya sang namulalungan nga may yara sang nagasunod sa ila nga salakyan.
Ginapahayag nga ginpalukpan sang grupo sang alkalde ang mga sakay sang nagasunod nga salakyan nga mga pulis gali ang nakasakay.
Isa ka pulis ang napatay kag isa man ang pilason.
Nagbalos sang lupok ang mga pulis nga nangin rason sang pagkapatay sang alkalde kag sang iya mga kaupdanan.
Sa Facebook post ni Samar Representative Edgar Mary Sarmiento, iya ginpahayag nga natabo ang insidente sa Laboyao Bridge sa Barangay Lonoy.
Ginaalegar nga ginpaarakan sang bala ang van ni Aquino.
Ginmanduan naman ni Philippine National Police (PNP) chief Police General Debold Sinas ang regional police office sa Eastern Visayas nga imbestigahan ang insidente.
