JANIUAY, ILOILO– Nagpaathag ang alkalde sang banwa sang Janiuay sa nagalagaw nga istorya sa ginapahayag may naka-close contact nga pumuluyo ang Overseas Filipino Worker nga nagpositibo sa coronavirus disease 2019 sa ila banwa.
Sa interview sang Bombo Radyo kay Janiuay Mayor Bienvenido ‘Ben’ Margarico, iya ginpahayag nga wala nagalagaw kag wala sang may naka-close contact ang 33 anyos nga pasyente, nagabusong kag isa ka Repatriated Overseas Filipino Worker gikan sa Taiwan.
Suno kay Margarico, ulihi sang sila nakahibalo nga may yara sila sang repatriates, bangud wala man sang coordination sa pag-abot sini.
Nakahibalo sang sila suno sa iya sang nakatapos na sang swab test sa Iloilo Jubillee Hall ang pasyente, kag gintawgan sila sang Provincial Healh Office nga may yara sila sang repatriate, rason nga nagpadala sila sang ambulansya.
Sang Hunyo 3 suno kay Margarico nag-abot ang resulta, sa diin nagpositibo sa COVID-19 ang pasyente.
Dugang pa sang natungdan, wala sang dapat kahangaw-an ang mga pumuluyo bangud naka-quarantine na ini sa municipal quarantine facility sang ila banwa, kag ginahatagan sang bastante nga kinahanglanon.
