ILOILO CITY – Gin-disqualify sang Commission on Elections (Comelec) ang alkalde sang banwa sang Lambunao, Iloilo nga si Mayor Jason Gonzales bangud sa misrepresentation.
Santu sa desisyon sang Comelec First Division, indi mahimo nga dungan magserbe nga konsehal sa siyudad sang Iloilo si Gonzales kag alkalde sa banwa sang Lambunao.
Nahibaluan nga antes mangin alkalde, nangin konsehal sang siyudad sang Iloilo si Gonzales.
Apang ginpanindugan sang alkalde nga duha ka tuig kag lima ka bulan antes ang 2016 elections, nakarehistro na sa siya sa Lambunao.
Sa interview sang Bombo Radyo Iloilo, ginpahayag ni Mayor Gonzales nga wala ginhatagan bug-at sang Comelec ang mga affidavit nga iya ginsumite.
Maga-file sang motion for reconsideration ang alkalde kadungan sang pagpasiguro nga iya batuan ang desisyon sangpoll body.
Ginpasiguro man sang alkalde nga business as usual sa Lambunao kag naghingyo sang pangamuyo sa iya constituents.