MINA, ILOILO- Nagapasalamat ang alkalde sang banwa sang Mina Iloilo matapos ginkilala bilang home of Fame awardee sa early submission of E-SRE Reports kag Hall of Fame for Municipality withmost Active E-SRE Focal Person.
Ini ang may kaangtanan sa ginpatigayun nga awarding ceremony ang Iloilo Provincial government sa mga top 10 real property and business taxpayers kag best performing Municipalities in treasury and assessment services sa probinsya.
Sa interview sang Bombo Radyo kay Mina Iloilo Mayor Rey Grabato, iya ginpahayag nga ang ila sekreto amo nga may yara sila sang computerization program sila sa diin may yara sang linkages ang treasury, budget kag accounting sa banwa.
Sa nasambit nga program suno kay Grabato, makita kun sa diin nagahalin, nagakadto ang kwarta sang ila banwa.
Dugang pa ni Grabato nga tagsa ka semana, ginaremit sa bangko ang kwarta kag wala ini ginatago lang sa opisina sang treasurer.
Dako man ang nabulig sang mga pumuluyo nga amo ang nagabayad sang ila tax lakip na ang sa ila treasury nga nagapangampanya sa mga tawo agud magbayad sang ila buwis.
