SAN ENRIQUE ILOILO- Nagsumpa na bilang alkalde sang banwa sang San Enrique si Mayor elect Trixie Fernandez.
Sa interview sang Bombo Radyo kay Fernandez, iya ginpahayag nga ini na ang iya ikalima nga term sa duha niya ka cycle.
Suno kay Fernandez, nagpasalamat siya sa oportunidad nga ginhatag sa iya nga makaserbe liwat sa banwa sang San Enrique.
Madamo naman siya sang nabulig nga kaayuhan sa banwa kaangay sang pagtukod ng water system, pagpasimento sang Passi- San Enrique road , pagpabutang sang elektrisidad sa tanan nga sitio.
Pagapadayunon naman niya suno kay Fernandez ang pagpanami sang iban nga mga dalan sa banwa sang San Enrique , lakip na ang paghatag sang basic nga kinahanglanon sang mga pumuluyo.
May yara naman siya sang balasehan suno kay Fernandez kag ini ang ginalakipan sang maayo nga serbisyo sa tawo, imprastruktura, transparent kag maayo nga panghimanwa kag pagpromote sang banwa, pinaagi sa turismo kaangay sang kalamay festival kag iban pa nga aktibidad .
