Nagakatol ang ulo ni Iloilo City Mayor Jose Espinosa III may kaangtanan sa ginpatigayun nga legislative inquiry sang Sangguniang Panlungsod tuhoy sa indi pagrelease sang sweldo sang nagasulobra nga mga jobhires.
Sa interview sang Bombo Radyo kay Mayor Espinosa, iya ginpahayag nga indi sini maintindihan ang panindugan ni City Treasurer Engr. Jinny Hermano nga indi maghatag sang sweldo sa sobra nga mga jobhires bangud wala sang cash back-up ang syudad.
Suno sa alkalde, si Hermano nalang ang pamangkuton kun ano gid bala ang iya plano sa iya sini ngapanindugan.Nahibaluan nga ginpatawag sa nasambit nga legislative inquiry sanday Mayor Espinosa kag Engr. Jinny Hermano agud mahibaluan kun ano gid ang rason sa likod sang indi pagbaton sang sweldo sang mga jobhires.
